قوشمالار

قالوب، قالار، قالموشام

تاريخ : یکشنبه بیست و پنجم مرداد 1388 ساعت: 13:56

چخ مدت خاملوگدان

اوز دن آیری قالدوگدان

اوتا دوشوب

یانموشام

سرا

اوت جانوما چاتاندا

اَلو باشا آتاندا

باشا دوشوب

قاخموشام

دوشدوم اوشاق یولونا

یاندوم یولداش یولانا

سرا

اوشاق لیگ

یولداش لیگ دان

دویموشام

ایندی داهی اورگیمده گون چالوب

قیش گدیب یاز قالیب

خوشلوگ سازونی

باغروم دا من

چالموشام

ددی فلک

اوازخ قاچما

ایراخ باخما

توت گوینینگی

اله ساخلا

گوینومی من

الریمه

آلموشام

فانی دونیا دا من

قالوب،

قالار

قالموشام

|+| نويسنده :غریب |

پری

تاريخ : دوشنبه یازدهم خرداد 1388 ساعت: 14:16

من غریبم، غریبلیگدن دویموشام

آی و گونی آیرولقدا سایموشام

آخوردَمیم درگاهونگا چاتموشام

بیر بری باخ، بیر بری باخ، آی پری

اوزاخ اوزاخ یول لاری من گلمیشم

داغ دان آغور غملری من چکمیشم

وار و یوخوم، وارلوقومدان گچمیشم

بیر بری باخ، بیر بری باخ، آی پری

شام تا سحر گول آدونگی یازورام

اوز قبریمی اوز الیمه قازورام

اما گینه سنینگ یولا حاضورام

بیر بری باخ، بیر بری باخ، آی پری

تا بو فلک دولانور و دولانموش

یا بو دونیا وار اولور و واروموش

منیم تکین هچ کیم سَنَ یانماموش

بیر بری باخ، بیر بری باخ، آی پری

فرهاد قازان داغ لاری من قازارام

شیرین سوزلی مکتوب لاری یازارام

سن دن سرا واری کس دَن بیزارام

بیر بری باخ بیر بری باخ آی پری

|+| نويسنده :غریب |

قورخورام

تاريخ : جمعه یازدهم بهمن 1387 ساعت: 13:17

بیر عزیز گجه اوتوردوم آیونان

یازدوم سَنَ، سن سوز گچن گون لر ی

یازدوم سَنَ، چوخ سیرام دونیادان آرتوق

اُ سرو دَن اوجه بویی

اُ قشنگ اینچه بلی

آق اوزه توکولن تِلی

ایسی یاشلاری توکدوم گوزیمدن

قریشدی بیر بیره یازدوگو م سزلز

قورخورام بیلمینگ بو آغور غمی

قورخورام قالا یولونگا گوزلر

|+| نويسنده :غریب

قسمت اولایدی

تاريخ : جمعه بیستم دی 1387 ساعت: 13:7

قسمت اولایدی دونیا یاز اولا

گوله اوزی، گوزی ناز اولا

آیرولوق آیرولا آچولا بالوم

قولوم بوینوندا، آرزی آز اولا

هاچان اولور قوناق اولا یار بیزه

اوپم بورماق باشوندان دیزه

من چکم نازونی او گوزی سیزه

هاچان اولور هجران سوزی آز اولا

|+| نويسنده :غریب

گلسین باغا

تاريخ : دوشنبه بیستم آبان 1387 ساعت: 21:19

یاشلی گوزوم سن دن سرا قوروماز

غملی سازوم غم سزوندن یورولماز

گوین اوشاقی یالان سوزَ اوونماز

قوی دسین لر اوغلان ووراسی داغا

اَل لریم یوخو جان توتام قلمی

یازام سیزه داغ دان اوجه تر غمی

گوزوم یولدا، جانوم دور آخر دمی

هجران دردی دوشدی باشدان آیاغا

من اولنده گول قومایونگ باشوما

نازلی آدوی یازون قالا داشوما

یول دان گدن عزیز یولداشوما

دیینگ گول الیمده، گلسین باغا

|+| نويسنده :غریب

گوینوم ایستر اوپم من

تاريخ : پنجشنبه بیستم تیر 1387 ساعت: 21:15

باش قویدوگونگ یاتاقونگ،

آغدن آغتر ایاغونگ

گوینوم ایسر اوپم من

تلینگ سپن یل لره،

قیچ قویدوگونگ یر لره،

اوخودونگ ارلره، قوربانام